Durante tempu Publikasaun, dadus hotu kona-ba rai no deklarasaun na'in ba rai sei loke ba publiku liu husi mapa rai nian ho lista deklarante sira. Mapa no lista ne'e bele hetan iha nivel 4: local (aldeia ka suco), distrital (iha eskritoriu distrital DNTPSC no Ita Nia Rai), nasional (iha sede DNTPSC), no iha website iha ne'e.
Durante tempu publikasaun (ne'ebe tenke minimum loron 30), ema iha direitu atu halo deklarasaun ka reklamasaun, ne'ebe hanesan disputa kontra ema seluk nia deklarasaun.
Bainhira prazu publikasaun remata ba area ida, DNTPSC sei la aseita deklarasaun foun ka reklamasaun ida. (Atu haree lista ba area ne'ebe remata ona, click iha ne'e.)
Se ita boot hakarak halo koreksaun, deklarasaun ka reklamasaun ida, ita boot presiza ba to'o eskritoriu DNTPSC ka Ita Nia Rai iha distritu ne'ebe refere, ka iha sede DNTPSC iha Bebora, Dili. Iha ne'eba bele halo husi deklarante rasik ka husi ita boot nia Representante. |
