notisias foun
26 Jullu 2010: DNTPSC ho Projetu Ita Nia Rai Rekolla ona deklarasaun hamutuk 18907
Programa Ita Nia Rai ho DNTPSC rekolla tiha ona deklarasaun na'in ba rai hamutuk 18907 iha distritu 10: Aileu, Baucau, Bobonaro, Liquiça, Manatuto, Oecusse, Dili, Lautem, Ainaro no Covalima.
7 Jullu 2010: Prosesu Levantamentu Dadus kona-ba Rai ne'ebe hala'o hosi Programa Ita Nia Rai no servisu hamutuk ho DNTPSC ne'e hala'o ho Gratuitu
Ohin loron, 07 Julhu 2010, Governu Timor–Leste (DNTPSC) Direcção Nacional de Terras, Propriedades e Serviços Cadastrais, hamutuk ho programa “Ita Nia Rai” (INR) hakarak informa ba publiku katak: “Karik iha ema ruma mai iha ita bo’ot sira nia hela fatin ka uma ou komunidade nia let, lori Direcção Nacional de Terras Propriedades e Serviços Cadastrais nia naran ka projetu Ita Nia Rai, hodi husu osan atu prosesa sertifikadu na’in ba rai, ida ne’e falsu”. [.pdf 140KB]
6 Jullu 2010: DNTPSC no Pograma Ita Nia Rai hala'o tan Publikasaun Mapa Rai nian ba Datolu iha Kapital Distritu Bobonaro no Oecusse
Governu Timor-Leste, liu husi Direçcão Nacional de Terras, Propriedades e Serviços Cadastrais (DNTPSC) no Programa “Ita Nia Rai” hala'o publikasaun mapa hodi fo sai rezultadu deklarasaun na’in ba rai, iha Kapital Distritu Bobonaro no Oecusse. [.pdf 200KB]
23 & 24 Juñu 2010: DNTPSC Hamutuk ho Programa Ita Nia Rai hala'o Lansamentu prosesu Foti Dadus kona-ba Rai iha Distritu Ainaro no Distritu Covalima
Iha loron 23 Junu 2010, Director DNTPSC, Eng. Jaime Xavier Lopes hala’o lansamentu ba prosesu foti dadus kona-ba rai iha Distrito Ainaro. Lansamentu ne’e hala’o hamutuk ho Director Direcção Nacional Legislação, Adjunto Programa Ita Nia Rai no Director DTPSC Distrito Ainaro. Programa ne’e hala’o iha Salão Paroquial Distritu Ainaro ne’ebe partisipa husi Comandante PNTL Distritu Ainaro, Administrador Sub-Distritu Ainaro, Administrador Sub-Distritu Hatubuilico, Autoridades lokais, Pe. Paroco Ainaro, Chefes do Suco no Aldeia, lider tradisionais, sosiedade sivil no komunidade iha Distritu Ainaro. Programa lansamentu hanesan mós hala’o iha Distrito Covalima, iha loron 24 Junu 2010 iha Aula Kultura (ex-Aula Dharma Wanita) iha Distritu Covalima. [.pdf 164KB]
14 Juñu 2010: DNTPSC hala'o Publikasaun Mapa Rai nian ba dala ikus iha Kapital Distritu Liquiça
Iha loron 14 Juñu 2010, Direçcão Nacional de Terras, Propriedades e Serviços Cadastrais(DNTPSC), hala'o publikasaun mapa rai nian ba dala ikus iha Kapital Distritu Liquiça.
Area ne’ebe inklui iha prosesu publikasaun mapa ne’e maka, Distritu Liquiça, sub distrituBazartete, Suco Maumeta, Aldeia Nartutu no Daramudapu, no mos Suco Lauhata, Aldeia Camalehou, Pissu Lete no Pissu Craic. Publikasaun mapa iha area refere hahu iha 14 Juñu 2010 no sei remata iha 26 Jullu 2010.[.pdf 164KB]
10 Maiu 2010: DNTPSC hala'o Publikasaun Mapa Rai nian ba dala ikus iha Kapital Distritu Aileu
Iha loron 10 Maiu 2010, Direçcão Nacional de Terras, Propriedades e Serviços Cadastrais (DNTPSC), halo publikasaun mapa rai nian ba dala ikus iha Kapital Distritu Aileu.
Sr. Jaime Xavier Lopes, Director DNTPSC hateten “Publikasaun mapa ne’e hala’o ba dala ikus ona iha Kapital Distritu Aileu, tanba prosesu levantamentu de dadus iha kapital distritu Aileu remata tiha ona, iha fulan Marsu 2010 liuba. Tan ne’e husu ba komunidade iha area refere atu bele ba haree ita boot sira nia dadus iha publikasaun refere, hodi nune’e bele fo aprovasaun ba ita boot sira nia dadus. Karik iha dadus ne’ebe seidauk loos, bele hadi’a, no mos karik iha reklamasaun ruma bele hato’o iha tempu publikasaun ne’e. Tanba tempu ba publikasaun mapa mak loron 30”.”.[.pdf 192KB]
23 Marsu 2010: DNTPSC hala'o tan Publikasaun Mapa Rai nian iha
Kapital Distritu Baucau
Iha loron 23 Marsu 2010, Governu Timor-Leste, liu husi Direçcão Nacional de Terras,
Propriedades e Serviços Cadastrais (DNTPSC), hala’o publikasaun mapa hodi fo sai rezultadu
deklarasaun na’in ba rai iha Kapital Distritu Baucau.
Eng. Jaime Xavier Lopes, Director DNTPSC hateten “Objetivu husi publikasaun mapa ne’ebe
refere mak atu garante transparansia iha prosesu halo deklarasaun na’in ba rai nian. Iha
periodu ne’e deklarantes sira bele ba verifika no hadia sira nia dadus, karik iha dadus ruma
ne’ebe sala. Nune’e mos halo reklamasaun hasoru ema ruma ne’ebe halo ona deklarasaun
ba ita nia rai. Tan ne’e Director DTPSC ne’e husu ba maluk na’in ba rai sira iha area
ne’ebe refere atu ba haree ita boot sira nia dadus iha publikasaun refere hodi aprova ita boot
sira nia dadus. Tanba durasaun tempu ba publikasaun mapa mak loron 30 no depois ne’e sei
la iha tan ona reklamasaun ka hadia dadus”.[.pdf 192KB]
11 Marsu 2010: DNTPSC hala'o tan Publikasaun Mapa Rai Nian iha Kapital Distritu Bobonaro, Oecusse & Aileu
Direçcão Nacional de Terras, Propriedades e Serviços Cadastrais (DNTPSC), halo publikasaun mapa rai nian ba iha Kapital Distritu Bobonaro, Oecusse no Aileu.
Sr. Jaime Xavier Lopes, Director DNTPSC hateten “Objevitu Publikasaun mapa ne’ebe oras ne’e daudaun hala’o iha Kapital Distritu Bobonaro, Oecusse no Aileu, mak atu garante transparansia iha prosesu halo deklarasaun na’in ba rai nian. Iha periodu ne’e deklarantes bele ba verifika sira nia dadus, karik iha dadus ruma ne’ebe sala, bele hadi’a iha tempu publikasaun ne’e. Nune’e mos karik iha reklamasaun ruma hasoru ema ruma ne’ebe halo ona deklarasaun, bele halo iha tempu publikasaun ne’e.
Tan ne’e husu ba maluk na’in ba rai sira iha area ne’ebe refere atu ba haree ita boot sira nia dadus iha publikasaun refere hodi aprova ita boot sira nia dadus. Tanba durasaun tempu ba publikasaun mapa mak loron 30. Lee tan iha ne'e [.pdf 180KB]
9 Marsu 2010: Ministeriu da Jusica halo Lansamentu ba Prosesu Foti Dadus kona-ba rai no na'in ba rai iha distritu Lautem
Direcção Nacional de Terras, Propriedades e Serviços Cadastrais (DNTPSC) hamutuk ho
projetu Ita Nia Rai ne’ebe hetan suporta hosi USAID, hala’o lansamentu ba programa
Foti Dadus kona-ba rai no na’in ba rai iha distritu Lautem. Lansamentu ne’e hala’o iha
Eis Merkado (Merkado Lama) Lautem vila iha loron 9 Marsu 2010. Objetivu hosi
programa Foti Dadus kona-ba rai no na’in ba rai, atu hametin direitu Timoroan nian ba
propriedade privadu ne’ebé sira iha. [.pdf 156KB]
9 Marsu 2010: Discurso Sr. Jaime Xavier Lopes, M.Ec. Ev, Director da Direcção Nacional de Terras,
Propriedades e Serviços Cadastrais
Nudar ita hotu hatene katak rai mak baze ba moris sosiedade Humano. Tan
ne’e husi jerasaun ba jerasaun iha mundo tomak ema sempre preokupa kona-ba
oinsa bele hetan asesu ba rai ou sai na'in ba rai. Konstituisaun RDTL artigu 54
konsagra katak “Ema sidadaun hotu Timor-Leste iha direitu ba propriedade
privadu iha Timor-Leste”. Atu garante direitu na'in ba rai ita presiza politika
administrasaun rai ida ne'ebe modernu no estabelese leis e regulamentus ne'ebe
di'ak hodi hametin direitu na'in ba rai iha Timor-Leste. Hahu tinan 1999 to’o ohin
loron Timor-Leste la dauk iha sistema administrasaun rai ne'ebe di'ak no la dauk
iha lei rai nian rasik hodi fo definisaun na'in ba rai. Tan ne’e ema barak mak tur
ho duvidas kona-ba oinsa bele sai na'in ba rai maske sira fiar katak sira mak na'in
duni ba rai ida. Situasaun ida ne’e loke hela oportunidade hodi hamosu konflitu
oi-oin iha komunidade tan hadau malu rai. Konflitus tan hadau malu rai dala
barak akontese iha nivel Suco no Aldeia no iha mos Capital Distrito sira inklui,
Dili. Situasaun hanesan ne’e sempre difikulta mos dezenvolvimentu iha rai laran.
Iha fatin barak akontese katak bainhira projetu laiha rai nia na’in mos laiha,
ema husik abandona hela rai ne’e maibe bainhira projetu iha ona, rai nia na’in
mos sai barak liu no ema bar-barak husu kompensasaun.[.pdf 92KB]
24 Fevereiru 2010: DNTPSC hala'o tan Publikasaun Mapa Rai Nian iha Area
Pilotu Manatuto & Liquica
Direçcão Nacional de Terras, Propriedades e Serviços Cadastrais (DNTPSC), halo
publikasaun mapa rai-nian ba iha Kapital Distritu Manatutu no Distritu Liquica.
Sr. Antonio
Verdial de Sousa, Director DNTPSC hateten katak “Publikasaun mapa ne’e hala'o ba dala ikus
ona iha Kapital Distritu Manatuto no ba Distrito Liquisa sei iha tan publikasaun seluk.
Director ne’e hatutan hodi husu ba maluk nai’n ba rai sira iha area ne'ebe refere atu ba haree
sira nia dadus iha publikasaun refere hodi aprova ita boot sira nia dadus. Karik iha dadus
ruma nebe sala ka halo reklamasaun hasoru ema ruma nebe hala deklarasaun ba ema seluk
nia rai”. Lee tan iha ne'e [.pdf 208KB]
11 Janeiru 2010: Atu suporta prosesu foti dadus iha Dili, DNTPSC estabelese grupu servisu fasilita madiasaun.
Iha loron 11 Janeiru 2010, Direcção Nacional de Terras, Propriedades e Serviços Cadastrais
(DNTPSC) hamutuk ho projetu Ita Nia Rai ne’ebé hetan suporta husi USAID, estabelese Grupu
Servisu no mekanizmu fasilita mediasaun hodi suporta rezolusaun ba disputa rai ne’ebé karik
mosu iha prosesu foti dadus rai nian iha Dili. Sr. Antonio Verdial de Sousa, Diretór DNPTSC
hateten katak “objetivu husi estabelesementu grupu servisu ne’e mak atu tulun reforsa
informasaun kona-ba prosesu foti dadus rai nian; tulun prevene konflitu no fasilita rezolusaun ba
disputa rai entre komunidade iha Dili” Lee tan iha ne'e [.pdf 132KB]
29 Dezembru 2009: Director DNTPSC Husu Na'in ba Rai atu partisipa iha prosesu Foti Dadus Kona-ba Rai no Na'in ba Rai iha Timor-Leste.
Ohin loron 29 Dezembru 2009 Director Nasional Terras, Propriedades e Serviços Cadastrais fo avizu hodi husu ba na'in ba rai iha Capital Distritu sira hotu atu partisipa iha prosesu foti dadus kona-ba rai no na'in ba rai nebe halao husi Programa Ita Nia Rai. Director DNTPSC, Sr. Antonio Verdial de Sousa hateten “ Núdar ita hotu hatene katak DNTPSC servisu hamutuk ho programa Ita Nia Rai hahú hala’o prosesu foti dadus konabà rai no nain ba rai iha kapital Distritu 7 iha Timor-Leste”. Nia hatutan tan katak iha tinan 2010 sei prosesu foti dadus kona ba rai habelar ba Kapital Distritu seluk no sei to’o iha kapital Distritu hot-hotu iha Territóriu Timor-Leste. Lee tan iha ne'e [.pdf 132KB]
|
