 |
Manatuto - area ida ne'ebe primeiru atu foti dadus. |
Programa ida ne'e maka hetan orsamentu total $10 millaun husi Agensia Amerikanu ba Dezenvolvimentu Internasional (USAID). Ninia durasaun maka tinan 5, hahu Setembru 2007 no remata Setembru 2012.
Objetivu programa nian maka inklui: Hametin politika no Lei kona-ba rai; Fo apoio ba prosesu foti dadus kona-ba rai no na'in ba rai; Implementasaun sistema administrasaun rai no sistema informatiku sira; Dezenvolve mekanismu hodi rezolve disputa kona-ba rai; no Fahe informasaun ba publiku hodi haforsa konesimentu kona-ba direitu ba rai.
Hodi atinze objetivus ne'e, programa Ita Nia Rai maka fahe ninia servisu iha ekipa ("task") 5, tuir mai:
- Informasan ba Publiku
- Politika no Lei Rai-nia
- Fo apoiu ba institusaun Rai-nian
- Administrasaun Rai-nian no
- Rezolusaun disputa
Atu hetan informasaun liu tan, haree ami nia Fact Sheet (surat informasaun) iha ne'e: [.pdf256KB]
PARSEIRUs
Ho kooperasaun husi Ministeriu da Justica no Direçcão Nacional de Terras, Propriedades e Serviços Cadastrais, parseirus ne'ebe implementa programa ne'e maka:
- ARD Inc: negosio husi Amerika ne'ebe ulun boot mundial atu estuda direitu ba rai no propriedade iha nasaun ne’ebé foin dezenvolve;
- ACDI/VOCA: organizasaun internasional ne’ebé servisu iha mundu tomak hodi dezenvolve negosiu-kiik, kooperativa sira no rede voluntariu sira, no servisu ba hametin sosiedade sivil;
- BELUN: ONG lokal ho misaun atu hakbiit komunidade, dezenvolve kapasidade, hamenus tensaun no prevene konflitu iha Timor-Leste;
- Land Equity International (LEI): kompañia husi Australia ne’ebé lidera dezenvolve sistema administrasaun rai.
|
